புனித பயணத்தில் ஏமாற்றம்! காமராஜர் மக்கள் கட்சி கண்டனம்

காரைக்கால்

ஹஜ்ஜையும்,உம்ராவையும் இறைவனுக்காக சம்பூரணமாக நிறைவேற்றுங்கள்” என்று திருக்குர்ஆன் (2:196)கூறுகிறது
ஹஜ்,உம்ரா இரண்டு புனித யாத்திரைகளும் இஸ்லாத்தில் ஆழ்ந்த ஆன்மீக மதிப்பை கொண்டுள்ளன! இந்த யாத்திரைகளை மேற்கொள்வது என்பது நபிகள் நாயகம்(ஸல்) அவர்களின் பாதையை பின்பற்றுவதாகும்.உலகெங்கும் உள்ள முஸ்லீம்களுக்கு மகத்தான முக்கியத்துவம் வாய்ந்த பயணமாகும்.

இப்பயணத்தை மேற்கொள்வதற்காக காரைக்கால் பகுதியில் உள்ள “சஹாரா டிராவல்ஸ்” என்ற நிறுவனத்தில் நூற்றுக்கணக்கானோர் (பல மாவட்டங்களிலிருந்து) நிறுவனம் கேட்ட முழு தொகையும் செலுத்தி ஆவலுடன் இருந்துள்ளார்கள். அந்த நிறுவனம் அனைவரையும் ஏமாற்றி உள்ளது.இது சம்மந்தமாக அவரிடம் பல முறை பேசியும் அதற்கான தீர்வு கிடைக்காத நிலையில் பணம் கொடுத்து ஏமாந்தவர்களில் ஒரு பகுதினர் இன்று காரைக்கால் நகர காவல்நிலையத்தில் ஏமாற்றியவர் மீது புகார் மனு அளித்து உள்ளார்கள்.