பேசிப் பழகிய பொய், வாங்கிப் பழகிய கை, போட்டுப் போட்டுப் பழகிய பை….  

21/07/2025

திமுகவைச் சார்ந்த மாநிலங்களவை உறுப்பினர்  திரு சிவா அவர்கள் பெருந்தலைவர் காமராஜரை பற்றி மிகவும் தரம் தாழ்ந்து ஒரு விமர்சனத்தை வைத்திருப்பது வருத்தத்தையும் அதிர்ச்சியையும் அளிக்கிறது.

ஏழ்மையில் பிறந்து ஏழ்மையில் வளர்ந்து ஏழ்மையிலேயே தன்னுடைய வாழ்வை முடித்துக் கொண்ட ஒரு மகத்தான தலைவர் காமராஜர்.

ஏழ்மையையும் ஏழ்மையும் நிறைந்த அந்த மாபெரும் தலைவரை கொச்சைப்படுத்துவது போல A/C – குளிர்சாதன பெட்டி இல்லாமல் காமராஜர் ஒரு நாளும் இருந்ததில்லை என்று ஒரு பொய்யை அவர் விதைத்திருக்கிறார்.

அடுத்து அவர் செல்லும் இடங்களில் எல்லாம் சுற்றுலா மாளிகையில் தங்குவதற்கு வசதியாக கலைஞர் கருணாநிதி அவர்கள் A/C – குளிர்சாதன பெட்டி ஏற்பாடு செய்து கொடுத்தார் என்று இன்னொரு பொய்யையும் விதைத்திருக்கிறார்.

நெருக்கடி நிலை காலத்தில் பெருந்தலைவர் காமராஜர் அவர்கள் கலைஞர் கருணாநிதியின் கரங்களைப் பற்றி, இந்த நாட்டை இந்த நாட்டின் ஜனநாயகத்தை நீங்கள் தான் காப்பாற்ற வேண்டும் என்று வேண்டிக் கொண்டதாகவும்,ஒரு மிகப்பெரிய பொய்யை சிவா அவர்கள் விரைந்து இருக்கிறார்.

பொய்யையும் வெறுப்பையும் மட்டுமே மூலதனமாகக் கொண்டு தமிழ் சமுதாயத்தில் தங்கள் கட்சியை வளர்த்தவர்கள் திராவிட முன்னேற்றக் கழகத்தைச் சார்ந்தவர்கள்.

பெருந்தலைவர் காமராஜர் தன்னுடைய படுக்கை அறையில் ஏசி-(குளிர்சாதன பெட்டி) யை கடைசி காலத்தில் தான் வைத்துக்கொள்ள நேர்ந்தது.

அதுவரையில் எப்பொழுதும் அவர் ஜன்னல் கதவுகளை திறந்து வைத்து இயற்கையான காற்றை தழுவிய  நிலையிலேயேதான் அவர் கண்ணுறக்கம் கொள்வது வழக்கம்.

அகில இந்திய காங்கிரஸ் கட்சியின் தலைவராக அவர் பொறுப்பேற்ற பிறகுபெரும்பாலான நேரம் டெல்லியில் இருக்க வேண்டிய நேர்ந்தது. டெல்லியில் கோடை காலத்தில் சாதாரண மனிதர்களால் கூட இந்த கடுமையான வெயில் தரக்கூடிய வெம்மையை தாங்க முடியாது.

வயது முதிர்ந்த நிலையில் உடல் தளர்ந்த நிலையில், பெருந்தலைவர் காமராஜர் அந்த வெப்பத்திலிருந்து விடுபடுவதற்காக அங்கே அவருடைய அறையில் குளிர்சாதன வசதியை செய்து கொடுத்திருந்தார்கள்.

அதற்குப் பிறகு திருமலை பிள்ளை வீதியில் அவர் இருக்கும் வீட்டிலும் படுக்கையறையில் மட்டும் ஒரே ஒரு குளிர்சாதன பெட்டியை அதுவும் காமராஜரின் கடைசி காலத்தில் தான் வைத்தார்கள்.

காமராஜர் அவர்கள் ஏ சி யே இல்லாமல் என்றைக்கும் இருந்ததில்லை என்று சிவா சொல்லுகிற பொய்க்கு ஒரே ஒரு சாட்சியம், 28 ஆண்டுகள் பெருந்தலைவர் காமராஜரின் நிழலாகவே பின் தொடர்ந்து, அவருடைய பணியாளராகவே வாழ்ந்து மறைந்த வைரவன் அவர்கள் தான் எழுதியிருக்கிற காமராஜரும் கால் நூற்றாண்டும் என்று நூலில் பக்கமும் 223 காமராஜ் உடைய அருகில் ஒரு ஏசி பொருத்தப்பட்டது என்ற செய்தியை பதிவு செய்திருக்கிறார்.

காமராஜருடன் கால் நூற்றாண்டு என்று வைரவன் எழுதியிருக்கிற நூலில் 223 வது பக்கத்தில் காமராஜருடைய அறையில் ஒரு ஏசி – குளிர்சாதன பெட்டி வைக்கப்பட்டது என்று பதிவு செய்திருக்கிறார் எனவே அதை மறுக்க வேண்டிய அவசியம் இல்லை பெருந்தலைவர் காமராஜர் எங்கு சென்றாலும் எளிமையாக தான் அவர் தன்னுடைய சுற்றுப்பயணத்தை முடித்துக் கொண்டு யாருக்கும் எவ்வித சிரமமும் கொடுக்காமல் திரும்பி வரக்கூடிய தலைவர்.

இரவு நேரத்தில் பெருந்தலைவர் காமராஜர் எங்கு சென்றாலும் எளிமையாக தான் அவர் தன்னுடைய சுற்றுப்பயணத்தை முடித்துக் கொண்டு, யாருக்கும் எவ்வித சிரமமும் கொடுக்காமல் திரும்பி வரக்கூடிய தலைவர்.

 மதுரை மாவட்டத்தின் சுற்றுப்பயணத்தில் இருந்த பொழுது பயணத்தை முடித்துவிட்டு இரவு நேரத்தில் (டிராவல்ஸ் பங்களா) சுற்றுலா மாளிகையில் அவர் வந்து தங்கினார். அந்த அறையில் போதிய அளவுக்கு காற்றோட்டம் இல்லாததனால் வெளியே இருக்கக்கூடிய மரத்தடியில் அந்த கட்டிலை கொண்டு வந்து போடச் செய்து அவர் இரவு முழுவதும் கண்ணுறக்கம் கொண்டார்.

இந்தச் செய்தி அறிந்த அன்றைய முதல்வர் கலைஞர் கருணாநிதி அவர்கள் தமிழ்நாடு முழுவதும் இருக்கக்கூடிய சுற்றுலா மாளிகைகளில்  ஏசி – குளிர்சாதன பெட்டி இருப்பதற்கான ஏற்பாடு செய்தார். அது காமராஜர் கேட்டு செய்வது அல்ல, காமராஜருக்காக செய்வதும் அல்ல.

அன்றைக்கு எந்த நட்சத்திர ஓட்டங்கள் தங்கும் வசதிகளை தரக்கூடிய சூழல் இல்லாத நிலையில் முதலமைச்சரும் மற்ற அமைச்சர்களும் மிக முக்கியமான அதிகாரிகளும் செல்லுகிற பொழுது அந்த சுற்றுலா பயணிகள் விடுதியில் தங்குகிற நிலையில் அவர்கள் அனைவரும் பயன்படுத்திக் கொள்வதற்கு வாய்ப்பாகத்தான் குளிர்சாதன பெட்டி ஒவ்வொரு சுற்றுலாப் பயணியர் மாளிகையின் அறையிலும் வைக்கப்பட்டதே தவிர, அது காமராஜருக்காக வைக்கப்படவில்லை காமராஜர் ஏசி அறை இருந்தால்தான் போய் தங்குவேன் என்று அடம் பிடிக்கவும் இல்லை.

எனவே இது மிக மோசமான ஒரு தரம் தாழ்ந்த உரை என்று தான் சொல்ல வேண்டும். எப்பொழுதுமே சொல்லுவார்கள். பாதி உண்மை என்பது, பொய்யை விட மிக மோசமானது. இப்பொழுது சிவா சொல்லி இருப்பது பாதி உண்மைதான்.

ஆனால் இதன் உள்நோக்கம் என்பது மிக மோசமானது.

அடுத்து பெருந்தலைவர் காமராஜர் நெருக்கடி காலத்தில் கலைஞர் அவர்களை சந்திக்கிறபோது அவருடைய கரங்களைப் பற்றி, நீங்கள் தான் இந்த நாட்டை,  இந்த நாட்டின் ஜனநாயகத்தை காக்க வேண்டும் என்று வேண்டுகோள் விடுத்ததாக ஒரு பொய்யை விதைத்திருக்கிறார். உண்மையில் நிகழ்ந்தது என்ன என்று மக்கள் அறிந்து கொள்ள வேண்டும்.

தன்னுடைய வாழ்க்கை முழுவதையும் நெஞ்சுக்கு நீதி என்ற நூலில் ஆவணப்படுத்தி இருப்பவர் முதல்வராக இருந்த கலைஞர் அவர்கள்.

காமராஜர் இப்படி அவருடைய கரங்களைப் பற்றி உருக்கமாக, நீங்கள் தான் இந்த நாட்டையும் நாட்டின் ஜனநாயகத்தின் பார்க்க வேண்டும் என்பது போல் ஒரு வேண்டுகோளை விடுத்திருந்தால் அதற்கு எவ்வளவு முக்கியத்துவத்தை கொடுத்து நெஞ்சுக்கு நீதி நூலில் அவர் பதிவு செய்திருப்பார் என்பதை நாம் அனைவரும் இணைந்து பார்க்க வேண்டும்.

ஆனால் நெஞ்சுக்கு நீதி நூலின் இரண்டாம் பாகத்தில் பக்கம் 488 இலிருந்து 493 வது பக்கம் வரை ஐந்து பக்கங்கள் காமராஜரோடு அவருக்கு நேர்ந்த நெருக்கடி கால  சந்திப்புகளை விவரிக்கிறார் கருணாநிதி. 

அப்படி விவரிக்கிற பொழுது அவர் சொல்கிறார் நான் பலமுறை காமராஜரை போய் சந்தித்து அவருடைய அறிவுரைகளை ஆலோசனைகளை நான் பெற்றிருக்கிறேன் என்கிறார். 

சென்னையில் இருக்கக்கூடிய பூந்தமல்லி நெடுஞ்சாலையில் உள்ள ஒரு புகழ்பெற்ற மருத்துவருடைய வீட்டில் காமராஜரும் நானும் மாலை 5:30 மணி முதல் எட்டரை மணி வரை மூன்று மணி நேரம் நெருக்கடி நிலை பிரகடனம் குறித்து மனம் விட்டு கருத்துக்களை பரிமாறிக் கொண்டோம் என்று  சொல்கிறார்.ஆனால் அந்த டாக்டருடைய பெயரை அவர் குறிப்பிடவில்லை.

மூன்று முதல்வர்களுடன் என்ற ஒரு நூலை எழுதியவர் போ.கா சாமிநாதன் என்பவர். இந்த சாமிநாதன் காமராஜனுடைய உதவியாளராக இருந்தார்.

பிறகு பக்தவச்சலம் முதலமைச்சராக இருந்தபோது அவருக்கும் உதவியாளராக இருந்தார். இந்த இருவருக்கும் பிறகு அண்ணா ஆட்சி கட்டிலில் அமர்ந்த போது அண்ணாவுக்கும் அவர் உதவியாளராக இருந்தார்.

மூன்று பேரிடம் உதவியாளராக இருந்த தன் அனுபவங்களை அவர் மூன்று முதல்வர்களுடன் என்ற நூலில் பகிர்ந்திருக்கிறார்.

அந்த நூலில் நெருக்கடிகளை காலத்தில் பெருந்தலைவர் காமராஜரும் கலைஞர் கருணாநிதியும்  பூந்தமல்லி நெடுஞ்சாலையில் இருந்த டாக்டர் அண்ணாமலை என்கிற மருத்துவர் உடைய இல்லத்தில் அமர்ந்து கருத்துக்களை பகிர்ந்து கொண்டார்கள் என்று தெளிவாக பெயரில் குறிப்பிடுகிறார்.

அத்தோடு டாக்டர் சத்திய நாராயணா என்பவருடைய வீட்டிலும் அவர்கள் ஒரு முறை சந்தித்து தங்கள் கருத்துக்களை பகிர்ந்து கொண்டார்கள் என்று பதிவு செய்திருக்கிறார்.

ஆனால் எந்த இடத்திலும் காமராஜர் கருணாநிதியின் கரங்களைப் பற்றி, நீங்கள் தான் இந்த நாட்டை காக்க வேண்டும் என்பது போல ஒருபோதும் சொன்னதில்லை. அதற்கான ஒரு பதிவையும் சிவாவால் எடுத்துக்காட்ட முடியாது.

மாறாக காமராஜர் தனக்கு பெருந்துணையாக இருந்தார் என்பதை, காமராஜர் நூற்றாண்டு மலரை முரசொலி வெளியிட்ட பொழுது, அந்த மலரில் கலைஞர் கருணாநிதி அவர்கள் எழுதிய கட்டுரை அந்த கட்டுரையில், எனக்கு பெருந்துணையாக விளங்கிய பெருந்தலைவர் காமராஜர் என்ற தலைப்பிட்டு அவரே எழுதியிருக்கிறார்.

அவர் எழுதிய அந்த கட்டுரை, அதில் கூட கலைஞர் கருணாநிதிக்கு காமராஜர் பெருந்துணையாக இருந்ததாகத்தான் சொல்லி இருக்கிறாரே தவிர, கருணாநிதி காமராஜருக்கு பெருந்துணையாக இருந்ததாக பதிவு செய்யவில்லை.

எனவே இந்த முரசொலி வழங்கிய காமராஜர் நூற்றாண்டு மலரை சிவா முதலில் எடுத்துப் பிரித்து படிக்க வேண்டும். மூன்று முதல்வர்களுடன் என்று போ.க சாமிநாதன் எழுதிய நூலின் பதிவை எடுத்துப் பார்க்க வேண்டும்.

 அவருடைய அரசியல் ஆசான் கலைஞர் கருணாநிதி உடைய வாழ்க்கை வரலாறு நெஞ்சுக்கு நீதி என்ற தலைப்பில் ​​வந்திருக்கிறதே, அதில் இரண்டாம் பாகத்தை பிரித்து பக்கம் 488 – லிருந்து 493 வரை திரும்பத் திரும்ப வாசித்து பார்க்கட்டும். ஒரு இடத்தில் கூட காமராஜர், கருணாநிதியிடம் நாட்டை காக்க வேண்டும் என்று சொன்னதாக கருணாநிதியே  பதிவு செய்யவில்லை.

அப்படி பதிவு செய்யாத கருணாநிதி இந்த சிவாவிடம் தனிப்பட்ட முறையில் செய்தியை சொன்னதாகவும்  ஏ சி    இல்லாமல் அவர் எந்த இடத்திலும் இருக்க மாட்டார் என்று சொல்லி அதனால்தான் எல்லாம் பயணியர் மாளிகையில் ஏசி அறைகளை நான் ஏற்பாடு செய்தேன் என்று சொன்னதாகவும் அவர் பதிவு செய்திருப்பது முழுமையான, உண்மையின் கலப்பே இல்லாத பொய்யைத் தவிர வேறு ஒன்றும் இல்லை

 இப்படி பொய்யை பரப்பி பொய்யை மட்டுமே மூலதனமாக வைத்து மக்களை பிரிப்பதற்கு வேறுபாட்டை வளர்ப்பதற்கு வெறுப்பை அடிப்படையாக வைத்து அரசியலை நடத்தியே பழக்கப்பட்ட திராவிட முன்னேற்றக் கழகத்தின் ஒரு தளபதியாக இருக்கிற சிவா அவர்கள் தன் நிலை தாழ்ந்து இப்படி பெருந்தலைவர் காமராஜரை பற்றி பேசி இருப்பது அபத்தமான ஒன் று. அதை எந்த மனிதனும் எந்த நிலையிலும் நம்ப மாட்டான். 

இறுதியாக ஒன்று சொல்கிறேன் திராவிட முன்னேற்றக் கழகத்தில் இருக்கக்கூடியவர்களுடைய மனோபாவம் எப்படி என்பதை, அந்த கட்சியில் நீண்ட காலம் இருந்து, கருணாநிதியோடு நெஞ்சுக்கு நெருக்கமாக பழகி    நட்புப்பூண்டு, பிறகு வெளியே வந்த கண்ணதாசன் ஒரு மேடையில் அழகாகச் சொன்னார்.

திமுகவில் உள்ளவர்கள் எப்படிப்பட்டவர்கள்…. 

பேசிப் பழகிய பொய், 

வாங்கிப் பழகிய கை, 

போட்டுப் போட்டுப் பழகிய பை….  

இதுதான் திராவிட முன்னேற்றக் கழகத்தில் உள்ளவர்களுடைய இலக்கணம் என்று மூன்று வரிகளில் மிகச் சுருக்கமாக சொன்னார்.அதைத்தான் இப்பொழுது சிவா உண்மை என்று நிரூபித்திருக்கிறார்.